Medvedev: Fransiyada haqiqiy rahbar yo‘q, siyosiy beqarorlik kuchaymoqda
Rossiya Xavfsizlik kengashi raisining o‘rinbosari Dmitriy Medvedev Fransiyada haqiqiy rahbar yo‘qligini ta’kidladi. Bu haqda Zamin.uz xabar berdi.
Uning fikriga ko‘ra, Fransiya prezidenti Emmanuel Makron mamlakat manfaatlaridan ko‘ra Kiyev va G‘arb davlatlarining talablariga ko‘proq e’tibor qaratmoqda. Medvedev bu gaplarni Fransiya bosh vaziri Sebasten Lekornuning iste’foga chiqishi ortidan aytdi.
Yangi hukumat esa atigi 14 soat davomida faoliyat yuritgan. Medvedevning Telegram orqali bergan bayonotida Fransiyada prezident yo‘qligini, davlatning Kiyev tomonida turganini, Germaniya va Buyuk Britaniya bilan hamkorlik qilayotganini, shuningdek, Afrikada neokolonial siyosatni davom ettirayotganini ta’kidladi.
Sebasten Lekornu sentyabr oyining boshida lavozimga tayinlangan, biroq yaqinda iste’foga chiqdi. Hozirgi kunda Fransiyada siyosiy beqarorlik kuchaymoqda, davlat byudjeti qisqarmoqda va ijtimoiy islohotlarga qarshi norozilik namoyishlari keng tarqalgan.
Ikkinchi oktabr kuni Fransiyaning 200 dan ortiq shahrida keng ko‘lamli namoyishlar bo‘lib o‘tdi. Ushbu noroziliklar sabab Eyfel minorasi vaqtincha yopildi.
Bu holatlar mamlakatda siyosiy va ijtimoiy vaziyatning murakkablashayotganidan dalolat beradi.
