Turkiyaning Ushoq viloyatida o‘tkazilgan maxsus operatsiya davomida giyohvand moddalar savdosida gumon qilingan bir nechta Eron fuqarosi qo‘lga olindi. Bu haqda Zamin.uz xabar berdi.
Bu haqda mamlakatning narkotiklarga qarshi kurash bo‘limi ma’lum qildi. Operatsiya vaqtida gumonlanuvchilarning yonidan 1,5 kilogrammdan ortiq metamfetamin musodara qilindi.
Moddaning bir qismi ularning yashash joyidan topilgan, qolgan qismi esa jinoyatchilar qornida olib o‘tishga urinishgan. Rasmiy ma’lumotlarga ko‘ra, tadbir Erondan Turkiyaga giyohvand moddalar olib kirish bilan bog‘liq razvedka ma’lumotlariga asoslangan.
Kuzatuv davomida uch nafar gumonlanuvchi Erondan Izmirdagi Adnan Menderes aeroportiga yetib kelgani va keyin taksi orqali Ushoq viloyatiga yo‘l olgani aniqlangan. Qo‘lga olinganlar tibbiy ko‘rik uchun shifoxonaga olib ketildi.
Rentgen tekshiruvi natijasida ularning oshqozonida metamfetamin kapsulalari borligi aniqlangan. Sud tomonidan Eron fuqarolarini hibsda saqlashga qaror qabul qilindi.
Ushbu operatsiya narkotik moddalar savdosiga qarshi kurash doirasida amalga oshirildi va mamlakat xavfsizligini ta’minlashga qaratilgan choralar doirasida olib borildi. Turkiya huquq-tartibot idoralari giyohvandlikka qarshi kurashni davom ettirmoqda va bunday jinoyatlarga qarshi qat’iy choralar ko‘rmoqda.
