Singapurda 52 gramm geroin uchun o‘lim jazosi ijro etildi
Singapur hukumati joriy haftada yana bir bor o‘lim jazosini ijro etdi. Bu haqda Zamin.uz xabar berdi.
38 yoshli Pannir Selvam Prantaman ismli shaxs 52 gramm geroin saqlashda ayblanib, osib o‘ldirildi. U Malayziyalik ruhoniyning o‘g‘li bo‘lib, 2014 yilda qo‘lga olingan.
Sud jarayoni bir necha yil davom etdi. Uning yaqinlari va advokatlari o‘lim jazosini bekor qilish uchun bir necha marta apellyatsiya bergan, prezidentga afv so‘rab murojaat qilgan, ammo barcha harakatlar samarasiz bo‘ldi.
Singapur qonunlariga ko‘ra, 15 grammdan ortiq geroin yoki 500 grammdan oshiq kannabis bilan qo‘lga tushgan shaxslar majburiy ravishda o‘lim jazosiga hukm qilinadi. Pannir sudda narkotiklarni tashiyotganini bilmaganini aytgan.
U hukmni kutayotgan kamerada she’r va qo‘shiqlar yozgan. Do‘stlari uni tinch, mehribon va diniy insofli inson sifatida eslashadi.
Singapurdagi o‘lim jazosiga qarshi faol esa 52 gramm uchun inson hayotini olishni adolatsiz deb hisoblaydi. Xalqaro tanqidlarga qaramay, Singapur rasmiylari qat’iy pozitsiyada turibdi va faqat shunday choralar orqali mamlakatni narkotrafikdan himoya qilish mumkinligini ta’kidlashmoqda.
Amnesty International va boshqa huquqni himoya qiluvchi tashkilotlar esa o‘lim jazosi narkotik savdosini kamaytirishda samarali emasligini aytib, buni davlat tomonidan amalga oshirilayotgan shafqatsizlik deb atamoqda.
