Filippinda ikki kuchli zilzila yetti odam halok bo‘ldi
Filippinda 10 oktyabr kuni sodir bo‘lgan ikki kuchli zilzila natijasida kamida yetti kishi halok bo‘ldi. Bu haqda Zamin.uz xabar berdi.
Zilzilalarning magnitudasi mos ravishda 7,4 va 6,7 ballni tashkil etdi. Bu haqida Filippin Tabiiy ofatlar xavfini kamaytirish va boshqarish milliy kengashi ma’lumot berdi.
Rasmiy hisobotga ko‘ra, tabiiy ofat oqibatida jami 8436 nafar fuqaro jabr ko‘rdi. Shulardan 1265 kishi xavfsiz hududlarga evakuatsiya qilindi, yana 7915 kishi esa o‘z uylarini tark etishga majbur bo‘ldi.
Fuqarolik mudofaa agentligi bayonotida zilzila natijasida yetti kishi halok bo‘lganligi, shuningdek, 11 nafar odam turli darajada tan jarohati olgani qayd etildi. Kuchli yer silkinishlari asosan Mindanao orolining janubiy qirg‘oq hududlarida yuz berdi.
Eslatib o‘tamiz, 30 sentyabr kuni mamlakatning Palompon g‘arbiy sohili yaqinida 6,9 magnitudali zilzila ro‘y bergan edi. O‘sha falokatda 70 dan ortiq inson halok bo‘lgan.
Filippin dunyodagi eng seysmik faol davlatlardan biri hisoblanadi. Mamlakat Tinch okeanidagi “Olov halqasi” mintaqasida joylashgan bo‘lib, yuqori darajadagi vulqon va zilzila faolligi bilan mashhurdir.
Shuning uchun ham tabiiy ofatlarga tayyor turish va ularga qarshi chora-tadbirlarni kuchaytirish muhim ahamiyatga ega.
