Pokiston-Afg‘oniston chegarasida qurolli to‘qnashuv yuz berdi

Pokiston va Afg‘oniston chegarasida qurolli to‘qnashuv yuz berdi. Bu haqda Zamin.uz xabar berdi.

Pokiston Mudofaa vazirligi ma’lumotlariga ko‘ra, afg‘on jangarilari chegara hududidagi pozitsiyalarga hujum qilgan. Ushbu hujum natijasida 23 nafar pokistonlik harbiy halok bo‘lgan, shuningdek, 29 kishi jarohat olgan.

Hodisa 11-oktyabr kuni sodir bo‘lgan va afg‘on tomonida “Tolibon” harakatiga aloqador guruhlar ishtirok etgani ma’lum. Pokiston armiyasi javob zarbasi berib, bir necha soat davom etgan to‘qnashuvda afg‘on tomonining 200 dan ortiq yo‘qotishga uchragani qayd etilgan.

Mudofaa vazirligi bayonotida aytilishicha, Pokiston kuchlari hujumni muvaffaqiyatli qaytarib, 21 ta post ustidan vaqtinchalik nazorat o‘rnatgan. Hozirda chegara hududida xavfsizlik choralari kuchaytirilgan va vaziyat keskinligicha saqlanib qolmoqda.

Ushbu voqea mintaqadagi tinchlik va barqarorlikka salbiy ta’sir ko‘rsatmoqda. Pokiston hukumati vaziyatni nazorat qilish va chegara xavfsizligini ta’minlash uchun zarur choralarni ko‘rmoqda.

Mintaqadagi vaziyatni barqarorlashtirish uchun ikki davlat o‘rtasida muzokaralar davom etmoqda.