Slovakiyada poyezd to‘qnashuvi: 100dan ortiq jarohatlandi
Slovakiyaning sharqiy qismida, Rojnyava shahri yaqinida 11-oktyabr kuni ikki yo‘lovchi poyezd to‘qnashuvi yuz berdi. Bu haqda Zamin.uz xabar berdi.
Mahalliy ommaviy axborot vositalari xabariga ko‘ra, ushbu halokat natijasida taxminan yuzga yaqin kishi turli darajada jarohat oldi. Ichki ishlar vaziri Matush Shutay-Eshtoka voqea joyida bergan bayonotida, dastlabki ma’lumotlarga ko‘ra, halokat mashinistning e’tiborsizligi sabab yuzaga kelganini ta’kidladi.
Jabrlanganlarning ikki nafari og‘ir ahvolda ekanligi ma’lum qilindi. Voqea joyiga beshta tez tibbiy yordam mashinasi va bir qutqaruv vertolyoti yuborildi.
Hozirda jabrlanuvchilarga zarur tibbiy yordam ko‘rsatilmoqda. Hodisa yuzasidan rasmiy tergov ishlari boshlangan va voqeaning sabablari chuqur o‘rganilmoqda.
Ushbu halokat temiryo‘l xavfsizligi masalalarini yana bir bor dolzarb qilish bilan birga, yo‘lovchilar va mutasaddilar e’tiborini ushbu sohadagi ehtiyot choralarini kuchaytirishga qaratmoqda.
