Tramp: Bojlar AQSH iqtisodiyotini mustahkamladi
AQSH prezidenti Donald Trampning so‘zlariga ko‘ra, Qo‘shma Shtatlar hozirda dunyodagi eng boy davlat hisoblanadi va bu natijaga bojlar siyosati yordam bergan. Bu haqda Zamin.uz xabar berdi.
Tramp Sharm ash-Shayxdan Vashingtonga uchish vaqtida jurnalistlarga bergan intervyusida, tariflar tufayli mamlakat yuzlab milliard dollarlik daromadga erishganini ta’kidladi. Uning aytishicha, bojlar joriy etilishi iqtisodiy o‘sishga sezilarli hissa qo‘shgan.
Shuningdek, 2 aprel kuni AQSH prezidenti 185 ta davlat va hudud mahsulotlariga yangi bojlar qo‘llanilishini rasman e’lon qilgan. Keyinchalik Tramp ayrim davlatlar uchun tarif stavkalarini o‘zgartirish bo‘yicha qarorlar qabul qilgan.
Bu choralar AQSH iqtisodiyotini mustahkamlash va milliy ishlab chiqarishni rivojlantirish maqsadida amalga oshirilmoqda. Prezidentning fikricha, bojlar siyosati mamlakatning iqtisodiy salohiyatini oshirishda muhim vosita hisoblanadi.
