Makron lavozimida qoladi, siyosiy inqiroz davom etmoqda
Fransiya prezidenti Emmanuel Makron yaqinda lavozimidan ketishni rejalashtirmayotgani haqida ma’lum qildi. Bu haqda Zamin.uz xabar berdi.
The Times nashri bu haqda xabar berdi. Ma’lumotlarga ko‘ra, Makronning iste’foga chiqishini talab qilayotganlar nafaqat muxolifat, balki uning markazchi blokidagi ayrim siyosiy hamkorlar orasidan ham uchramoqda.
Biroq prezident mamlakatdagi siyosiy inqiroz uchun murosasiz partiyalar va hokimiyat uchun kurashni ustun qo‘yayotgan siyosatchilarni ayblamoqda. Makronning ta’kidlashicha, hozirgi holat 1950 yillardan beri Fransiyada kuzatilgan eng jiddiy siyosiy inqirozdir.
Prezident G‘azodagi tinchlik sammitida, Misrning Sharm-ash-Shayx shahrida so‘zga chiqib, mamlakatdagi ichki beqarorlikdan o‘zini chetga olganini bildirdi. Endilikda Fransiyadagi siyosiy barqarorlikni tiklash vazifasi uning ittifoqchisi va yaqinda qayta tayinlangan bosh vazir Sebasten Lekornyuga yuklatilgan.
