Yaponiyada ikki ayolni o‘ldirgan shaxs o‘lim jazosiga hukm qilindi
2023-yilda Yaponiyada sodir etilgan jinoyat bo‘yicha sud 34 yoshli Masanori ismli shaxsga o‘lim jazosini tayinladi. Bu haqda Zamin.uz xabar berdi.
U ikki ayolni pichoq bilan o‘ldirgan va voqea joyiga kelgan ikki politsiyachini ov miltig‘i bilan otgan. Hujumdan keyin u ota-onasining uyida 12 soat davomida yashirinib yurgan va so‘ngra taslim bo‘lgan.
Himoyachisi Masanorining ruhiy kasalligi borligini aytgan bo‘lsa-da, sud bu da’voni rad etdi. Prokurorlar jinoyat vaqtida uning ko‘ziga turli narsalar ko‘ringanini tan olgan, lekin u to‘liq ongli bo‘lganini ta’kidladi.
Sud uning harakatlarini shafqatsiz va sovuqqon deb baholadi. Yaponiyada qurol ishlatish kam uchraydi, odatda faqat ov miltig‘i va havo qurollariga ruxsat beriladi.
Ushbu voqea mamlakatda qurol nazorati va jinoyatga qarshi kurash masalalarini yana bir bor muhokama qilishga sabab bo‘ldi.
