Aqto‘bede 14 yoshli qiz farzandli bo‘ldi, tergov boshlandi
Qozog‘istonning Aqto‘be viloyati, Uil tumanida 14 yoshli 9-sinf o‘quvchisining farzandli bo‘lgani aniqlangan. Bu haqda Zamin.uz xabar berdi.
Mahalliy ommaviy axborot vositalari mazkur holat haqida xabar berdi. Ma’lumotlarga ko‘ra, voqea qizning buvisining turmush o‘rtog‘i bilan bog‘liq bo‘lishi mumkinligi aytilmoqda.
Gumonlanuvchi shaxs ushbu oila a’zosi emasligi ta’kidlanmoqda. Viloyat ichki ishlar boshqarmasi voqeaga munosabat bildirib, jinoyat ishi ochilganini ma’lum qildi.
Tergovga qadar tekshiruv ishlari boshlandi, gumonlanuvchi shaxs aniqlanib, hozirda qo‘lga olingan. Hodisaning barcha jihatlari va sabablarini aniqlash uchun surishtiruv ishlari davom etmoqda.
Huquqni muhofaza qiluvchi organlar bir qator tergov va protsessual chora-tadbirlarni amalga oshirmoqda. Viloyat politsiya departamenti rahbariyati jarayonni shaxsan nazorat qilmoqda.
Ushbu holat bo‘yicha barcha qonuniy choralar ko‘rilmoqda va tergov ishlari davom etmoqda.
