Nestle 16 ming ishchini qisqartirishni e’lon qildi
Dunyoning eng yirik oziq-ovqat kompaniyalaridan biri hisoblangan Nestle 16 ming ishchini qisqartirishini ma’lum qildi. Bu haqda Zamin.uz xabar berdi.
Bu esa kompaniyaning umumiy xodimlarining taxminan olti foiziga to‘g‘ri keladi. Nestle rahbari Filip Navratil bu qaror xarajatlarni kamaytirish va kompaniya faoliyatini yanada soddalashtirish maqsadida qabul qilinganini bildirdi.
Qisqartirishlar asosan ofis xodimlari hamda ishlab chiqarish bo‘limlarida amalga oshiriladi. Ushbu jarayon 2027-yil oxirigacha davom etishi rejalashtirilgan.
Kompaniya bu orqali o‘z xarajatlarini sezilarli darajada kamaytirishni ko‘zlamoqda. So‘nggi oylar davomida Nestle rahbariyatida o‘zgarishlar yuz berdi.
Sobiq rahbar Loren Freks va boshqaruv raisi Pol Bulke o‘z lavozimlaridan ketdi. Yangi rahbar Filip Navratil esa kompaniyani tezkor o‘zgarishlarga chaqirdi.
Shuningdek, Nestlening so‘nggi chorakdagi savdosi to‘rt virgul uch foizga oshgani qayd etildi. Asosiy o‘sish esa qahva va shirinlik mahsulotlari hisobidan amalga oshdi.
Bu natijalar kompaniyaning bozor sharoitlariga moslashish va raqobatbardoshligini oshirish yo‘lida muhim qadam hisoblanadi. Nestle o‘z faoliyatini yanada samarali qilish uchun strategik o‘zgarishlarni davom ettiradi.
