Sankt-Peterburglik Yuliya Bogdanova Pskov viloyatidagi dala hovlisida o‘stirgan ulkan qovoqda daryo bo‘ylab rafting uyushtirdi. Bu haqda Zamin.uz xabar berdi.
U bu noodatiy voqeani o‘zining ijtimoiy tarmoqdagi sahifasida e’lon qildi. Bogdanova bu sport turi bilan ikkinchi yildan beri shug‘ullanmoqda.
Ushbu safar u og‘irligi 221 kilogramm bo‘lgan va “Emelya” deb nomlangan katta qovoqni qayiq sifatida ishlatdi. Ayol bu tadbirni “Qizil yelkanlar” deb nomlangan shaxsiy bayrami sifatida ta’rifladi.
U yozishicha, bu bayramning asosiy ramzi qizil yelkanli qayiqdir. Yuliya Pskov viloyatidagi dala hovlisida o‘z bayramini aynan shunday o‘tkazishga qaror qilgan.
Qiziqarli jihati shundaki, 2024 yilda ham Bogdanova shunga o‘xshash tajriba amalga oshirgan. O‘shanda u 226 kilogrammlik “Dunyasha” nomli qovoqda suv bo‘ylab sayr qilgan edi.
U o‘z postida “Orzu ro‘yobga chiqdi — qovoqda rafting!” deb yozgan. Bu voqea Bogdanovaning sportga bo‘lgan qiziqishi va ijodkorligini yana bir bor tasdiqlaydi.
Uning noodatiy g‘oyasi ko‘plarning e’tiborini tortmoqda.
