Sankt-Peterburgda talaba armiyani obro‘sizlantirdi
Sankt-Peterburgda 18 yoshli talaba va ko‘cha ijrochisi Diana Loginova, sahnadagi ismi Naoko, Rossiya armiyasini obro‘sizlantirishda ayblanib, javobgarlikka tortildi. Bu haqda Zamin.uz xabar berdi.
Bu haqda Fontanka nashri ma’lumot berdi. Ma’lumotlarga ko‘ra, Naoko shahar ko‘chalarida xorijiy agent sifatida belgilangan xonandalar Noize MC va Monetochka qo‘shiqlarini kuylagan.
Huquqni muhofaza qiluvchi organlar uning bu harakatini Rossiya Qurolli kuchlariga nisbatan hurmatsizlik deb baholagan. Tergov natijalariga ko‘ra, u omma oldida armiyani obro‘sizlantirgan, shuningdek jamoat joyida ommaviy yig‘ilishni tashkil etgan va jamoat tartibini buzganlikda ham ayblanmoqda.
15 oktyabr kuni Loginova politsiya tomonidan qo‘lga olingan va ichki ishlar vazirligining “E” markazi xodimlari tomonidan so‘roq qilingan. Naoko “Stoptime” guruhi bilan birga Sankt-Peterburg ko‘chalarida chiqish qilgan.
Ularning ijrosidagi videolardan biri Qozon sobori oldida kuylangan Noize MCning “Oqqush ko‘li kooperativi” qo‘shig‘i bo‘lib, u avvalroq internetda tarqalgan edi. Sankt-Peterburgning Dzerjinskiy sudi Naokoni 13 kunlik qamoq jazosiga hukm qildi.
Ushbu hukm uning qonunbuzarliklari uchun berilgan jazodir.
