Isroil tanki avtobusga hujum qilib 11 kishi halok bo‘ldi
G‘azoning shimoliy qismida Isroil tankining avtobusga hujumi natijasida bir oilaning 11 nafar a’zosi halok bo‘ldi. Bu haqda Zamin.uz xabar berdi.
Bu haqda Hamas boshqaruvidagi fuqarolik mudofaasi xizmati xabar berdi. Qurbonlar orasida ayollar va bolalar ham borligi ma’lum qilindi.
Ma’lumotlarga ko‘ra, Abu Shaban oilasi o‘z uylariga qaytayotgan vaqtida avtobus Zaytun tumanida nishonga olingan. Ushbu voqea so‘nggi haftada e’lon qilingan sulhdan beri eng ko‘p qurbonlar bilan bog‘liq hodisa hisoblanadi.
Isroil armiyasi esa avtobusni “shubhali transport vositasi” deb hisoblab, unga o‘t ochilganini bildirdi. Biroq Hamas bu ayblovni rad etdi va tinch aholiga qarshi hujum sodir etilganini ta’kidladi.
Hozircha voqea tafsilotlari to‘liq aniqlanmagan. Isroil mudofaa vaziri chegara hududlarini aniq belgilash va xavfsizlik choralarini kuchaytirish bo‘yicha ishlar olib borilishini ma’lum qildi.
Ushbu voqea mintaqadagi vaziyatning murakkabligini va tinchlik o‘rnatish borasidagi muhim muammolarni yana bir bor ko‘rsatmoqda. Odamlarning hayoti va xavfsizligini ta’minlash uchun har tomonlama ehtiyot choralarini ko‘rish zarur.
