Kanada bosh vaziri Netanyahu hibsga olishini e’lon qildi
Kanada Bosh vaziri Mark Karni Isroil bosh vaziri Binyamin Netanyahu mamlakatga tashrif buyurganda, uni Xalqaro jinoyat sudi tomonidan chiqarilgan hibsga olish orderi asosida ushlashini ma’lum qildi. Bu haqda Zamin.uz xabar berdi.
Bu haqda Toronto Sun nashri xabar berdi. Karniyning bu bayonoti Kanadada keng muhokamalarga sabab bo‘ldi.
Bir qator mahalliy nashrlar, jumladan Toronto Sun, uning shaxsiy qarashlarini Kanada milliy manfaatlaridan ustun qo‘yganini tanqid qildi. Nashrning fikricha, ayni paytda Vashington bilan murakkab munosabatlar mavjud bo‘lsa-da, Karni AQSh sobiq prezidenti Donald Trampning yaqin ittifoqchisi bo‘lgan Netanyahuga qarshi choralar ko‘rishni e’lon qilgan.
Nashr bu qarorni siyosiy sabablar bilan chiqarilgan shubhali sud hukmi deb atadi. Ma’lumot uchun, 2024-yil noyabrda Xalqaro jinoyat sudi Isroil bosh vaziri Binyamin Netanyahu va sobiq mudofaa vaziri Yoav Galantni G‘azodagi harbiy jinoyatlar bo‘yicha rasman ayblab, ularni hibsga olish orderini bergan.
Kanada bu qarorni qo‘llab-quvvatlagan edi. Mark Karni o‘z bayonotida Kanada xalqaro huquq normalariga sodiq qolishini ta’kidlab, qonun ustuvorligi faqat so‘zda emas, amalda ham namoyon bo‘lishi kerakligini bildirdi.
Isroil tomoni esa Xalqaro jinoyat sudining qarorini qat’iyan rad etmoqda. Ularning fikricha, sud siyosiy bosim ostida ish olib bormoqda va uning hukmlari haqiqiy yuridik kuchga ega emas.
Mutaxassislar fikricha, Kanada rahbarining bu bayonoti G‘arb davlatlari o‘rtasida yangi siyosiy tortishuvlarga sabab bo‘lishi mumkin. Mark Karnining keskin pozitsiyasi Ottava va Vashington o‘rtasida yangi diplomatik muzokaralar boshlanishini talab qiladi.
Siyosiy tahlilchilar esa bu voqeani Kanada tashqi siyosatida yangi mustaqil yo‘nalish boshlanishining belgisi sifatida baholamoqda.
