Parij prokuraturasi ma’lumotlariga ko‘ra, Luvr muzeyida sodir etilgan yirik o‘g‘irlik Fransiyaga 88 million yevro zarar yetkazgan. Bu haqda Zamin.uz xabar berdi.
Bu haqda Parij prokurori Lor Bekko BFMTV telekanali orqali ma’lum qildi. Uning so‘zlariga ko‘ra, Luvr direktori yetkazilgan zararni 88 million yevroga baholagan.
Bu ulkan miqdor bo‘lsa-da, tarixiy zarar bilan taqqoslash mumkin emas. Fransiya Madaniyat vazirligi Financial Times nashriga bergan izohida o‘g‘irlangan zargarlik buyumlari sug‘urtalanmaganini ta’kidladi.
Sababi, Luvr muzeyi odatda sug‘urta siyosatini qo‘llamaydi, chunki Leonardo da Vinchining “Mona Liza” yoki “Buyuk Tanis sfenksi” kabi noyob asarlarning haqiqiy qiymatini aniq baholash imkonsizdir. Vazirlik vakilining aytishicha, davlat bunday hollarda o‘zini sug‘urtalovchi sifatida qabul qiladi, agar eksponatlar belgilangan xavfsiz sharoitda saqlansa.
Madaniyat vaziri Rashida Dati yakshanba kuni muzeydagi talonchilik haqida rasmiy bayonot berdi. Ma’lum bo‘lishicha, Napoleon III davriga oid sakkizta qimmatbaho buyum — diadema, jig‘a va marjonlar o‘g‘irlangan.
Tergov ma’lumotlariga ko‘ra, o‘g‘rilar muzey jihozlarini yetkazib beruvchi bilan oldindan kelishgan bo‘lishi mumkin. Jinoyatdan so‘ng ular skuter va velosipedda voqea joyidan ketgani ma’lum qilindi.
Hozirda tergov ishlari davom etmoqda.
