Tramp Putin bilan uchrashuv haqida qaror qabul qiladi
AQSH prezidenti Donald Tramp yaqin ikki kun ichida Rossiya prezidenti Vladimir Putin bilan uchrashuv o‘tkazish yoki bekor qilish haqidagi qarorni qabul qilishini ma’lum qildi. Bu haqda Zamin.uz xabar berdi.
Bu haqida u Oq uyda jurnalistlarning savollariga javob berar ekan, hozircha yakuniy qaror qabul qilinmaganini ta’kidladi. Tramp uchrashuvga oid masalada vaqtni bekorga sarflash niyati yo‘qligini bildirdi.
Uchrashuv haqidagi qarorni yaqin ikki kun ichida e’lon qilishini aytdi. Shuningdek, Tramp Putin bilan uchrashuv vaqtni bekorga o‘tkazish bo‘ladi degan fikrni rad etdi.
Uning so‘zlariga ko‘ra, bu masalada ko‘plab omillar mavjud bo‘lib, yaqin kunlarda aniq ma’lumot beriladi. Prezident Trampning bayonoti ikki davlat o‘rtasidagi muloqot va kelishuv jarayonlariga oid muhim qarorlarni kutish mumkinligini ko‘rsatadi.
Oq uy rahbariyati vaziyatni diqqat bilan kuzatib borayotganini ta’kidladi.
