Amerika Qo‘shma Shtatlarida 43 yil nohaq qamoqda o‘tirgan 64 yoshli Subramanyam Vedam ismli erkak yana hibsga olindi. Bu haqda Zamin.uz xabar berdi.
U uzoq yillar davomida aybsizligi isbotlanmagan holda qamalib, ozodlikka chiqqanidan so‘ng qisqa vaqt ichida yana hibsga olinishi jamoatchilik e’tiborini tortdi. Vedam 1980-yillarda o‘zining sobiq xonadoshi, 19 yoshli Tom Kinserning o‘ldirilishida ayblanib, asosiy gumondor sifatida hibsga olingan.
Talabaning jasadi bir necha oy o‘tib topilgan va sud uni shartsiz umrbod qamoq jazosiga hukm qilgan. Biroq to‘rt o‘n yildan so‘ng yangi dalillar uning aybsizligini isbotladi va shu yil boshida sud uni oqlab, ozodlikka chiqardi.
Afsuski, Vedam oilasi bilan uchrashishga ulgurmasdan, AQSH Immigratsiya va bojxona xizmati tomonidan yana hibsga olindi. ICE agentligining bayonotiga ko‘ra, u deportatsiya jarayoni tugaguncha hibsda qoladi.
Vedam Hindistonda tug‘ilgan va AQSHga to‘qqiz oylik bo‘lganida olib kelindi. Hozirda uni vatanga qaytarish ehtimoli mavjud.
Erkakning yaqinlari bu holatdan chuqur iztirobda ekanliklarini bildirgan. Ular Vedam bilan ozodlikda uchrashishga ham ulgurmaganini ta’kidlashdi.
Huquqshunoslar esa bu voqeani AQSH huquq tizimidagi eng jiddiy xatolardan biri, shuningdek, erkinlikning qayta tortib olinishi deb baholamoqda.
