Ukraina yaqin kelajakda Tomahawk raketalariga ega bo‘ladi
Ukraina prezidenti Vladimir Zelenskiy mamlakat yaqin kelajakda Tomahawk raketalariga ega bo‘lishi mumkinligini ma’lum qildi. Bu haqda Zamin.uz xabar berdi.
U ta’kidlashicha, Ukraina hech qachon AQShning uzoq masofali qurollarini Rossiya hududiga zarba berish maqsadida ishlatmagan. Shu bilan birga, Kiyev o‘zining mahalliy ishlab chiqarilgan qurollari orqali 150 dan 3000 kilometrgacha bo‘lgan masofadagi obyektlarni nishonga olish imkoniyatiga ega ekanligini bildirdi.
Zelenskiy jurnalistlar bilan suhbatda har kuni yangi voqealar yuz berayotganini aytib, ehtimol ertaga Tomahawk raketalari Ukraina qurollari safiga qo‘shilishi mumkinligini ta’kidladi. Shuningdek, u Tramp va Putin o‘rtasidagi mumkin bo‘lgan uchrashuv Kiyev ishtirokisiz o‘tmasligini bildirdi.
Ukraina rahbari Rossiyaning energetika sohasiga qarshi yangi sanksiyalar joriy etilganini qayd etdi va Vengriyada Ukrainasiz hech qanday uchrashuv bo‘lmasligini ta’kidladi. Hozircha Tomahawk raketalari Ukraina qurollarida mavjud emas, ammo Zelenskiy bu boradagi natijalarni ijobiy deb baholadi.
Bu fikrlar Yevropa Ittifoqi sammitida bildirildi.
