Qoraqalpog‘istonda 75 mln yillik dinozavr suyaklari topildi

Qoraqalpog‘istonning Sulton Uvays tog‘ tizmasida miloddan avvalgi 75 million yilga oid dinozavr suyaklari topildi. Bu haqda Zamin.uz xabar berdi.

Bu haqda “O‘zbekiston 24” telekanali xabar berdi. Topilma Berdaq nomidagi Qoraqalpoq Davlat universiteti olimlari va O‘zbekiston Davlat geologiya muzeyi mutaxassislari hamkorligida olib borilgan tadqiqotlar davomida aniqlangan.

Davlat geologiya muzeyi direktori Ahmadjon Ahmadshayevning so‘zlariga ko‘ra, ushbu dinozavr Bo‘r davrida, ya’ni taxminan 100 dan 65 million yil oldin O‘zbekiston hududida yashagan. Tadqiqotchilar uning umurtqa, ilik va boldir suyaklarini topishgan.

Ahmadshayev ta’kidlaganidek, Bo‘r davrida O‘zbekiston hududida dengiz va quruq yerlar mavjud bo‘lgan, bu esa dinozavr izlari va suyaklarining topilishi uchun muhim sharoit yaratgan. Bunday topilmalar nafaqat ilmiy jihatdan, balki turizmni rivojlantirishda ham katta ahamiyatga ega.

Shu sababli muzeylar va ekspozitsiya obyektlarini tashkil etish zarur. Hozirda topilgan suyak qoldiqlarining qaysi turga mansubligi aniqlanmoqda, tadqiqotlar yakunlangach, ular Davlat geologiya muzeyiga topshiriladi.

Bu kashfiyot hududdagi paleontologik tadqiqotlar uchun yangi imkoniyatlar yaratadi.