Isroil UNRWAning G‘azodagi yordamini ta’qiqladi
Isroil hukumati BMTning Yaqin Sharqdagi falastinlik qochqinlarga yordam beruvchi agentligi UNRWAning G‘azo sektoridagi gumanitar faoliyatini rasmiy ravishda ta’qiqladi. Bu haqda Zamin.uz xabar berdi.
Ushbu qaror Xalqaro jinoiy sudning 22 oktyabrda Isroilga agentlik ishiga to‘sqinlik qilmaslik bo‘yicha qilgan chaqirig‘idan keyin qabul qilindi. Isroil vakili: “UNRWA endi hech qachon G‘azoga kirishiga yo‘l qo‘yilmaydi,” deb ma’lum qildi.
Ma’lumotlarga ko‘ra, Isroil bu qaror haqida AQSh ma’muriyatini ham xabardor qilgan va agentlikning insonparvarlik yordamlariga aralashishiga qat’iyan qarshi ekanligini bildirgan. Hozirda UNRWA omborlarida minglab yuk mashinalariga yetadigan oziq-ovqat zaxiralari saqlanmoqda.
Bu zaxiralar G‘azo aholisini kamida uch oy davomida ta’minlashga imkon beradi. Shuningdek, vayrona bo‘lib qolgan hududlarda yashayotgan 1,3 million falastinlik uchun boshpana qurish materiallari ham tayyor holatda turibdi.
Biroq Isroilning ruxsati bo‘lmagani sababli, bu yordamlar aholi qo‘liga yetib bormayapti. Natijada minglab falastinliklar oziq-ovqat va boshpana yetishmovchiligi sababli qiyinchiliklarga duch kelmoqda.
Ushbu vaziyat mintaqada insonparvarlik inqirozining yanada chuqurlashishiga olib kelmoqda.
