Putinning harbiy yutug‘i katta narx talab qilmoqda

NATO bosh kotibi Mark Ryuttening ta’kidlashicha, Vladimir Putin Ukrainadagi frontda har bir kichik yutug‘i uchun katta narx to‘lamoqda. Bu haqda Zamin.uz xabar berdi.

Uning so‘zlariga ko‘ra, Rossiyaning resurslari kamayib bormoqda va harbiy qudrati yetishmayapti. Bu haqda BBC xabar berdi.

Ryutte Londonda o‘tkazilgan «Ko‘ngillilar koalitsiyasi» yig‘ilishida matbuot anjumanida shunday dedi: «Putinning tajovuzi yuz minglab rossiyaliklarning hayotiga zomin bo‘lmoqda. Ukraina esa jasorat bilan qarshilik ko‘rsatmoqda va bizning yordamimiz samara bermoqda.

Haqiqat shundaki, Putinda pul, askar va g‘oya qolmayapti.» NATO rahbarining fikricha, frontdagi vaziyat Rossiya armiyasining katta yo‘qotishlar evaziga faqat mayda yutuqlarga erishayotganini ko‘rsatmoqda. Bu esa harbiy operatsiyalar strategiyasining samarasiz ekanligini yana bir bor isbotlaydi.

Shuningdek, Ryutte AQSh prezidenti Donald Trampning front chizig‘ida jangovar harakatlarni vaqtincha to‘xtatish haqidagi fikrini qo‘llab-quvvatladi. Uning so‘zlariga ko‘ra, adolatli tinchlikka erishish uchun Rossiyaga nisbatan bosimni kuchaytirish vaqti keldi.

Ryutte Yevropa Ittifoqi va Kanadaning Ukrainaga qo‘shimcha harbiy yordam ajratish qarorini ham ijobiy baholadi. «Jang maydonidagi voqealar ko‘rsatmoqdaki, Ukrainaga berilayotgan yordam foyda bermoqda.

Biz bu yo‘ldan to‘xtamasligimiz kerak», dedi NATO bosh kotibi. Uning bayonotlari ilk bor emas.

16-oktyabr kuni u NATO davlatlarining iqtisodiy va harbiy jihatdan Rossiyadan ancha ustun ekanini ta’kidlagan edi. Uning so‘zlariga ko‘ra, NATO mamlakatlarining umumiy iqtisodiyoti 50 trillion dollarga yetadi, Rossiyaniki esa atigi ikki trillion dollar, bu esa Texas shtatining iqtisodiga teng.

Mark Ryutte G‘arb mamlakatlari Rossiyaning salohiyatini ortiqcha baholamaslik kerakligini aytdi. «Moskva kuchli ko‘rinadi, lekin uning imkoniyatlari chegaralangan.

Biz yagona maqsad sari birlashib, Ukrainaga yordam bersak, bu mojaroga nuqta qo‘yishimiz mumkin», dedi u.