Vinod Dongl bank hisobida milliardlarni ko‘rib hayratda qoldi

Hindistonning Madhya-Pradesh shtati, Dxamnod shahrida yashovchi advokat va xususiy maktab egasi Vinod Dongl bir necha daqiqaga haqiqiy milliarderga aylanganini his qildi. Bu haqda Zamin.uz xabar berdi.

Bu voqea yangi bank hisob raqami ochilgach yuz berdi. Dongl tizimga kirganida, hisobida 28,1 milliard rupiy, ya’ni taxminan 3,5 million AQSh dollari borligini ko‘rib, hayratga tushdi.

Uning so‘zlariga ko‘ra, o‘sha paytda o‘zini dunyodagi barcha lotereyalarni yutgandek his qilgan. Bank tizimining ma’lumotlariga ko‘ra, hisobda Harsil Agro Limited kompaniyasining 1312 dona aksiyasi bo‘lgan va ularning har biri 21,4 million rupiy qiymatida ko‘rsatilgan.

Bu texnik xato sababli yuzlab baravar yuqori narxlar aks ettirilgan edi. Ammo bu baxtli “milliarderlik” uzoqqa cho‘zilmadi.

Bir necha daqiqa o‘tib, xato tuzatildi, narxlar asl holatiga qaytarildi va Vinod Donglning boyligi raqamlar orasidan yo‘qoldi. Shunga qaramay, advokat bu hodisani ijobiy qabul qilib, uni “raqamli sehrning qisqa, ammo yoqimli lahzasi” deb atadi va bu tajribani kulib eslab qoldi.