“Xohlayman yashash” loyihasi Rossiya armiyasida xizmat qilayotgan xorijlik jangchilar haqida ma’lumot e’lon qildi. Bu haqda Zamin.uz xabar berdi.
Ukraina tomonidan taqdim etilgan ma’lumotlarga ko‘ra, Ukrainadagi harbiy mojarolar davomida 481 nafar o‘zbekistonlik halok bo‘lgan yoki bedarak yo‘qolgan. Raqamlarga ko‘ra, hozirda Rossiya armiyasi tarkibida kamida 2 715 nafar o‘zbekistonlik xizmat qilmoqda.
Bu ko‘rsatkich bo‘yicha o‘zbekistonliklar xorijlik harbiy xizmatchilar orasida yetakchi o‘rinni egallaydi. Shuni ta’kidlash lozimki, O‘zbekiston qonunchiligiga binoan, mamlakat fuqarolarining boshqa davlatlar hududida harbiy mojarolarda ishtirok etishi qat’iy taqiqlangan.
Bu qonun mamlakat xavfsizligini ta’minlash va fuqarolarni mojarolardan himoya qilish maqsadida joriy etilgan.
