Irina Bolgar: "Durov farzandlarini qo‘llab-quvvatlashni to‘xtatdi"

Pavel Durovning sobiq turmush o‘rtog‘i Irina Bolgar ijtimoiy tarmoqlarda uzoq tanaffusdan so‘ng yana muhokamalar markaziga aylandi. Bu haqda Zamin.uz xabar berdi.

Irinaning ta’kidlashicha, Durov endi farzandlarini moliyaviy qo‘llab-quvvatlashni to‘xtatgan. Irina o‘z murojaatida Durov o‘z mulkini barcha biologik farzandlari, jumladan donorlik dasturlari orqali tug‘ilgan bolalar o‘rtasida taqsimlashni rejalashtirayotganini aytdi.

Biroq, ularning umumiy farzandlariga nisbatan avvalgi va’dalarini bajarmayotganini ta’kidladi. “U bir vaqtlar: ‘Men tirik ekanman, bolalarim hech narsaga muhtoj bo‘lmaydi’, degan edi.

Endi esa ular merosni faqat 30 yildan so‘ng olishi mumkin. Farzandlarim hali voyaga yetmagan, bu muddat ular uchun juda uzoq,” – deydi Irina.

Shuningdek, Irina Durovning otalik mas’uliyatini ham inkor etayotganini bildirdi. “U bolalarimizni tan olmayapti, hatto bir paytlar birga yashaganimizni ham rad etmoqda.

Ammo bolalarimiz hanuzgacha o‘sha uy va o‘tgan hayotimizni eslab yashashmoqda,” – deydi u. Bu voqea ijtimoiy tarmoqlarda keng muhokamalarga sabab bo‘ldi.

Pavel Durovning ushbu masalaga munosabati hozircha noma’lum.