Nyu-Yorkda ilk bor musulmon mer saylandi
Nyu-York shahri tarixida ilk bor musulmon mer saylandi. Bu haqda Zamin.uz xabar berdi.
Bu haqda Associated Press axborot agentligi xabar berdi. Demokratlar partiyasidan nomzod Zohran Mamdani mustaqil nomzod Endryu Kuomo ustidan ishonchli g‘alabaga erishdi.
34 yoshli siyosatchi shaharning nafaqat eng yosh rahbari, balki birinchi musulmon meri sifatida tarixga kirdi. Mamdani saylovoldi kampaniyasi davomida bir qator ijtimoiy va iqtisodiy islohotlarni amalga oshirishni va’da qilgan edi.
U uy-joy ijarasi narxlarini nazorat qilish, jamoat transportida bepul yo‘lov haqi joriy etish va bolalar parvarishi xizmatlarini ko‘proq ommaga moslashtirishga alohida e’tibor qaratdi. Biroq uning g‘alabasi barcha tomonidan ijobiy qabul qilinmadi.
Sobiq prezident Donald Tramp Mamdanining g‘alabasiga qarshi bo‘lib, ushbu holatda Nyu-Yorkni federal moliyalashtirishdan mahrum qilish bilan tahdid qildi. Tramp o‘z tarafdorlarini mustaqil nomzod Endryu Kuomoga ovoz berishga chaqirgan edi.
Saylov 4 noyabr kuni o‘tkazildi. Mamdani mustaqil nomzod Kuomo va Respublika partiyasidan nomzod Kyortis Slivani ortda qoldirib, ishonchli tarzda g‘alaba qozondi.
O‘z nutqlaridan birida Mamdani Tramp va Kuomoning siyosiy qarashlarini tanqid qilar ekan, ularni bir xil manfaatlar va tor dunyoqarashga ega bo‘lishda aybladi. Ma’lumotlarga ko‘ra, Nyu-York shahri har yili federal hukumatdan qariyb 7,4 milliard dollar mablag‘ oladi.
Bu shahar umumiy budjetining 6,4 foizini tashkil qiladi. Donald Tramp esa prezidentligi davrida bir necha marta siyosiy sabablarga ko‘ra moliyalashtirishni to‘xtatish bilan tahdid qilgan edi.
