Portugaliyalik futbol afsonasi Krishtianu Ronaldu yaqinda uzoq yillardan beri birga yashab kelayotgan turmush o‘rtog‘i Jorjina Rodrigesga nikoh taklif qilgani haqida so‘zlab berdi. Bu haqda Zamin.uz xabar berdi.
Bu haqda u jurnalist Pirs Morgan bilan suhbatda ma’lum qildi. Ronalduning aytishicha, ushbu voqea rejalashtirilmagan holda, kechasi uyda, samimiy bir damda sodir bo‘lgan.
U shunday deydi: “Tungi soat birlar edi, qizlarim uxlab qolishgandi. Do‘stlarimdan biri menga Jorjinaga sovg‘a qilish uchun uzuk berdi.
Shu paytda ikki bolam kirib keldi va: ‘Dada, siz onamizga turmush qurishni taklif qilasiz!’ — dedi. Bu so‘zlarni eshitgach, bu eng to‘g‘ri payt ekanini angladim.
Bolalarimning so‘zlari va do‘stlarimning lahzani videoga olishgani menga ilhom berdi. Men taklif qildim.
Tizzalab o‘tirmadim, chunki bunga oldindan tayyor emasdim, lekin bu lahza juda samimiy va xotirjam o‘tdi. So‘zlarim ortiqcha bo‘lmadi, lekin chin dildan chiqdi.” Uning so‘zlariga ko‘ra, bu voqea maxsus reja asosida emas, balki tabiiy va dildan chiqqan holda amalga oshgan.
Ronaldu o‘zini romantik inson deb hisoblasa-da, har kuni gul sovg‘a qiladigan odatga ega emasligini ta’kidladi. “Mening romantikam so‘zlarda emas, balki amalda namoyon bo‘ladi.
Jorjina men uchun bir umrlik ayol ekanini allaqachon his qilgandim. Shu sababdan bu taklifni sodda, lekin chin dildan qildim,” — deydi u.
Ronalduning ushbu samimiy e’tirofi muxlislar orasida keng muhokama qilindi. Ko‘pchilik bu qadamni “haqiqiy sevgi ifodasi” sifatida baholadi.
Jorjina Rodriges esa ijtimoiy tarmoqdagi sahifasida Ronaldu bilan birga tushgan suratni joylab, “Ha, dedim,” deb yozdi. Shu bilan dunyoning eng mashhur juftliklaridan biri turmush yo‘liga qadam qo‘yish arafasida ekanini ma’lum qildi.
