Tayfun Kalmaegi: Vyetnam va Filippinda halokatli zarar

Tayfun Kalmaegi payshanba kuni Vyetnam hududiga yetib keldi. Bu haqda Zamin.uz xabar berdi.

Dastlab Filippinda kuchli zarar yetkazgan bu tabiiy ofat kamida 114 kishining hayotiga zomin bo‘ldi, bir nechta shaharchalarni suv bosdi. Vyetnam hukumati ma’lumotiga ko‘ra, tayfun sababli 260 mingdan ortiq harbiy xizmatchilar favqulodda vaziyatlarga tayyor holatda safarbar etilgan.

Sohil hududlarida shamol tezligi 149 km/soatga yetgan. Quy Nhon va Gia Lai viloyatlarida kuchli shamollar uylarning tomlarini uchirib, daraxtlarni yiqitib yubordi, mehmonxonalar oynalari singan.

Ob-havo xizmati bir necha viloyatlarda sel va ko‘chkilar xavfi borligini ogohlantirdi. Shuningdek, tayfun dengizda 8 metr balandlikdagi to‘lqinlar hosil qilishi mumkinligi haqida ma’lum qilindi.

Filippinda tayfun ayniqsa Chebu oroliga kuchli zarar yetkazdi. Kamida 114 kishi halok bo‘ldi, o‘n minglab odamlar xavfsiz joylarga ko‘chirilgan.

Ko‘plab uylar va transport vositalari suv ostida qolgan. Mamlakat Prezidenti Ferdinand Markos favqulodda holat e’lon qilib, yordam yetkazish ishlarini boshladi.

Vyetnamda esa evakuatsiya ishlari davom etmoqda. Hukumat va harbiylar zarur oziq-ovqat, ichimlik suvi va boshqa ehtiyojlarni aholiga yetkazmoqda.

Mutaxassislarning ta’kidlashicha, dengiz sathining ko‘tarilishi baliqchilik fermalari va qirg‘oq hududlariga jiddiy zarar yetkazishi mumkin. Shu sababli ehtiyot choralarini ko‘rish davom etmoqda.