Eldor Abdurazzoqovning Italiyadagi chiqishlari bekor qilindi
Rossiyalik opera xonandasi Eldor Abdurazzoqov Italiyada bo‘lib o‘tadigan “Don Juan” operasida qatnashishi kutilayotgan edi. Bu haqda Zamin.uz xabar berdi.
Ushbu spektakl Verona shahridagi Filarmoniya teatri sahnasida namoyish etilishi rejalashtirilgan edi. Biroq teatr ma’muriyati tomonidan 2026-yil yanvar oyiga mo‘ljallangan barcha chiqishlarda xonandaning ishtiroki bekor qilinganini e’lon qildi.
Qabul qilingan qarorning aniq sabablari oshkor qilinmagan. Eldor Abdurazzoqov ushbu operada bosh qahramon Don Juan rolini ijro etishi kerak edi.
Hozircha uning o‘rnini kim egallashi haqida ma’lumot berilmadi. Bu voqea Yevropadagi siyosiy doiralarda ham keng muhokama qilinmoqda.
Xususan, Yevroparlament vitse-prezidenti Pina Picherno ushbu qarorni Kreml propagandasiga qarshi qadam sifatida baholadi. Shu bilan birga, Abdurazzoqovning chiqishlariga qarshi bir qator tashkilotlar ham o‘z noroziligini bildirmoqda.
Jumladan, Liberi Oltre le Illusioni tashkiloti xonandaning Rossiya prezidentlik saylovlarida Vladimir Putinning ishonchli shaxsi sifatida qatnashganini ta’kidladi. Korrupsiyaga qarshi kurash fondi esa uning Yevropada mol-mulki borligini va Kreml siyosatini ochiq qo‘llab-quvvatlayotganini qayd etdi.
Bu Eldor Abdurazzoqovning xorijiy sahnalarda chiqishlari bekor qilingan ilk holat emas. 2023-yilda ham u bir qator nufuzli teatr va konsert tashkilotlari bilan hamkorlikdan chetlatilgan edi.
Yevropadagi madaniy muassasalar Ukrainadagi urush sababli Rossiya bilan bog‘liq shaxslarga nisbatan siyosiy pozitsiyani kuchaytirmoqda. Mutaxassislarning fikricha, madaniyat va siyosat o‘rtasidagi chegara tobora noaniqlashib bormoqda.
Eldor Abdurazzoqovning ham yangi opera loyihasi shu siyosiy tortishuvlar sabab bekor qilindi. Bu esa san’at olamida ham siyosiy qarashlar ta’siri kuchayayotganini ko‘rsatmoqda.
