Germaniyada hukumatga ishonch keskin pasaydi

Germaniyada aholining ko‘pchiligi hukumat faoliyatidan norozi. Bu haqda Zamin.uz xabar berdi.

ARD telekanali buyurtmasiga ko‘ra, Infratest dimap instituti tomonidan o‘tkazilgan so‘rov natijalariga ko‘ra, respondentlarning 76 foizi olti oy avval hokimiyatga kelgan koalitsion hukumat ishidan qoniqmayotganini bildirgan. Faqatgina 22 foiz fuqarolar hukumat siyosatini ijobiy baholagan.

Taqqoslash uchun, iyun oyida aholining yarmidan ko‘pi, ya’ni taxminan 50 foizi hukumatni qo‘llab-quvvatlagan edi. Ammo keyingi oylarda ushbu ishonch sezilarli darajada pasaygani kuzatilmoqda.

So‘rovda, shuningdek, kansler Fridrix Mers va moliya vaziri Lars Klingbeylning reytingi ham pasaygani qayd etilgan. Ularning ishidan atigi 26 foiz respondent qoniqish bildirgan.

Ichki ishlar vaziri Aleksandr Dobrindtning reytingida esa o‘zgarish kuzatilmagan. Respondentlarning 58 foizi Germaniyaning tashqi siyosatini noaniq deb baholagan, iqtisodiy vaziyat esa yanada xavotirli holatda ekani ta’kidlangan.

So‘rovda qatnashganlarning atigi 29 foizi mamlakat iqtisodiyotini barqaror deb hisoblagan. Mutaxassislarning fikricha, bu kayfiyat Germaniya siyosiy maydonida jiddiy o‘zgarishlar yuz berishi ehtimolini kuchaytiradi.