Bolgariyada noqonuniy muhojirlar avtohalokatga uchradi, 6 kishi halok bo‘ldi.
Bolgariyaning janubiy qismida, Burgas shahri yaqinida yuz bergan yo‘l-transport hodisasi oqibatida olti nafar noqonuniy muhojir halok bo‘ldi. Bu haqda Zamin.uz xabar berdi.
Bu haqda Bolgariya milliy radiosi xabar berdi. Ma’lum qilinishicha, chegara politsiyasi Kiten shahridan noqonuniy muhojirlarni olib ketayotgan avtomobilni taxminan 40 kilometr masofada ta’qib qilgan.
Haydovchi Burgas shahriga kirishga uringanda, yo‘l to‘sig‘ini yorib o‘tgan. Biroq avtomobil ag‘darilib, yaqin atrofdagi ko‘lga qulab tushgan.
Hodisa joyida olti kishi vafot etgan, uch nafar fuqaro og‘ir jarohat olib, shifoxonaga yotqizilgan. Avtomobilni boshqargan Ruminiya fuqarosi tirik qolgan va hozirda politsiya tomonidan qo‘lga olingan.
Hodisa yuzasidan tergov ishlari olib borilmoqda. Voqeaning barcha tafsilotlari hozircha oshkor etilmagan.
