1918 yildan beri bedarak deb hisoblangan Florensiya olmosi 100 yildan so‘ng Kanadaning Kvebek shahridagi bank omboridan topildi. Bu haqda Zamin.uz xabar berdi.
Bu haqda "The New York Times" xabar berdi. Og‘irligi 137 karatdan oshadigan ushbu noyob tosh bir asr davomida omborda saqlangani aniqlangan.
Bu ma’lumotni Gabsburglar sulolasining vakili Charlz Gabsburg-Lotaringiya tasdiqlagan. Yong‘oq kattaligiga teng bu olmos dunyodagi eng yirik to‘rtta olmosdan biri hisoblanadi.
U Avstriya-Vengriya imperiyasi qulashi arafasida, ya’ni 1918 yil noyabrida imperator Karl I nomidan Avstriyadan chiqarilib, dastlab Shveysariyaga, so‘ng Kanadaga olib ketilgan. Imperator Karlning rafiqasi Zitaga hurmat sifatida olmosning aniq joylashuvi sir tutilgan.
Faqatgina uning ikki o‘g‘ligina bu joyni bilgan va otasining vasiyatiga ko‘ra bu ma’lumot 100 yil davomida oshkor qilinmagan. 1940 yilda fashizm xavfidan qo‘rqqan oila Yevropani tark etib, avval AQShga, keyin Kanadaga ko‘chib o‘tgan.
Zita qimmatbaho toshlarni kichik chamadonda olib yurgan va 1953 yilda Yevropaga qaytganida ularni Kvebekdagi bank omborida qoldirgan. Bugungi kunda Gabsburglar sulolasi vakillari Florensiya olmosini Kanadadagi maxsus trest tarkibiga kiritishga qaror qilgan.
Yaqin kelajakda bu tarixiy marvaridni Kanadaning muzeylaridan birida omma e’tiboriga taqdim etish rejalashtirilmoqda.
