Yerosti g‘orida 100 kvadrat metrli o‘rgimchak to‘ri topildi
Gretsiya va Albaniya chegarasi yaqinida joylashgan sulfidga boy g‘orda dunyodagi eng katta o‘rgimchak to‘ri topildi. Bu haqda Zamin.uz xabar berdi.
Bu haqda Live Science xabar berdi. Mutaxassislarning aniqlashicha, ushbu ulkan yerosti koloniyasi 100 kvadrat metrdan ortiq maydonni egallagan.
Bu hozirgacha qayd etilgan eng katta o‘rgimchak to‘ri hisoblanadi. G‘orning ichi qorong‘u, tor va sulfidli daryo bilan qoplangan.
Ayrim qismlari ipakning og‘irligi sababli devordan ajralib tushgan holda topilgan. E’tiborlisi shundaki, bu ulkan to‘rni bir nechta turga mansub minglab o‘rgimchaklar birgalikda yaratgan.
Asosiy qismi Tegenaria domestica turiga mansub bo‘lib, taxminan 69 ming o‘rgimchakdan iborat. Ushbu tur odatda odam yashaydigan hududlarga yaqin joylarda uchraydi.
Koloniyada shuningdek, 42 mingga yaqin Prinerigone vagans turiga mansub o‘rgimchaklar ham yashaydi. Ularning T.
domestica bilan birgalikda tinch yashashi noyob holat sifatida qayd etilgan. Jami 110 mingga yaqin o‘rgimchak yashaydigan bu to‘rda o‘lja sifatida mayda hasharotlar, asosan Tanytarsus albisutus turiga mansub chironomidlar topilgan.
Ularning soni 2,4 milliondan oshadi. Olimlarning ta’kidlashicha, mazkur gigant to‘r quyosh nuri yetib bormaydigan yerosti ekotizimida shakllangan bo‘lib, u tabiatdagi eng noyob biologik hamjamiyatlardan biri sifatida baholanmoqda.
