Istanbul prokuraturasi Netanyaxu va 36 kishiga order berdi
Istanbul Bosh prokuraturasi 37 nafar shaxs, jumladan Isroil bosh vaziri Binyamin Netanyaxuni hibsga olish bo‘yicha order chiqardi. Bu haqda Zamin.uz xabar berdi.
Bu haqda Anadolu axborot agentligi xabar berdi. Ular insoniyatga qarshi jinoyatlar va genotsidda ayblanmoqda.
Ushbu ro‘yxatga Isroil mudofaa vaziri Yisroil Kets hamda milliy xavfsizlik vaziri Itamar Ben-Gvir ham kiritilgan. Prokuratura ma’lumotiga ko‘ra, Isroil hukumati G‘azo sektorida olib borgan harakatlar natijasida ayollar va bolalar hayotdan ko‘z yumgan, ko‘plab odamlar jarohat olgan.
Shuningdek, ayrim hududlar yashash uchun yaroqsiz holga kelgan. Prokuratura bayonotida aytilishicha, Isroil rasmiylari insoniyatga qarshi jinoyatlar, G‘azo sektorida amalga oshirilgan genotsid aktlari hamda Sumud global flotiliyasi qarshi ko‘rilgan chora-tadbirlar uchun javobgarlikka tortilishi kerak.
Isroil tashqi ishlar vaziri Gideon Saar ushbu qarorga munosabat bildirib, buni Turkiya prezidenti Rajab Toyyib Erdo‘g‘anning siyosiy piar harakati deb baholadi. U Turkiya sud tizimini siyosiy muxoliflarni bosim ostiga olish va jurnalistlarni hibsga olishda aybladi.
Biroq, Falastinning HAMAS harakati bu tashabbusni qo‘llab-quvvatlab, Turkiya xalqi va rahbariyatining pozitsiyasini yuksak baholadi. CNN xabariga ko‘ra, HAMAS Istanbulga minnatdorchilik bildirgan.
