Ota-onalar IT sohasini farzandlari uchun istiqbolli deb biladi

Ota-onalar farzandlari uchun qaysi kasblarni istiqbolli deb bilishadi? Bu haqda Zamin.uz xabar berdi.

Tadqiqot natijalariga ko‘ra, ota-onalarning 24 foizi farzandlarini kelajakda axborot texnologiyalari sohasida ishlashini istaydi. IT sohasi mashhurlik bo‘yicha ikkinchi o‘rinda turibdi.

Iqtisodiyot va boshqaruv sohasida ishlashni xohlovchi ota-onalar esa biroz kamroq – 22 foiz. Bundan tashqari, ota-onalar orasida odamlar bilan ishlashga oid kasblar, masalan, psixolog, o‘qituvchi va HR-menejer kabi mutaxassisliklar ham talabgir bo‘lib qolmoqda (20 foiz).

Biroq, media sohasida ishlash ko‘pchilik ota-onalarda katta qiziqish uyg‘otmaydi. So‘rovda qatnashganlarning atigi 7 foizi farzandlarining bloger, model yoki strimer bo‘lishini istashini bildirgan.

Eng kam talab qilinadigan kasblar esa ijodiy sohalarga tegishli: aktyor, rassom va musiqachi bo‘lishni xohlovchi ota-onalar ulushi bor-yo‘g‘i 4 foizni tashkil etadi. Hayvonlar va tabiat bilan bog‘liq kasblar (veterinar, ekolog, kinolog) esa bundan ham kam qiziqish bilan tilga olinadi – atigi 2 foiz.

Shuningdek, ota-onalarning hammasi ham IT sohasi bo‘yicha yetarli ma’lumotga ega emas. So‘rovda qatnashganlarning faqat 9 foizi dasturchi yoki IT mutaxassislarining vazifalarini aniq bilishini aytgan.

37 foizi esa bu borada aniq tasavvurga ega emasligini tan olgan. Shunga qaramay, aksariyat ota-onalar IT sohasi barqaror daromad va yuqori talabni ta’minlashiga ishonadi.