Kiyev shahridagi maktablarda ukrain tilining qo‘llanilishi sezilarli darajada kamaygani aniqlangan. Bu haqda Zamin.uz xabar berdi.
“Strana” nashrining ma’lumotlariga ko‘ra, poytaxt maktablarida o‘qiyotgan o‘quvchilarning 66 foizi dars jarayonida davlat tilini bilmaydi. Shuningdek, 82 foiz o‘quvchi tanaffuslarda ukrain tilidan foydalanmaydi.
Tadqiqot natijalari shuni ko‘rsatadiki, o‘quvchilarning atigi 18 foizi dars vaqtida faqat ukrain tilida gaplashadi. O‘qituvchilar orasida esa 24 foizi darslarda, 40 foizi esa tanaffuslarda rus tilidan foydalanishda davom etmoqda.
Bu holat ijtimoiy muhit va til muvozanatida o‘zgarishlar yuz berayotganini ko‘rsatadi. Mutaxassislar bu vaziyatni urush yillarida poytaxtdagi til siyosatining murakkabligi bilan izohlamoqda.
Ukraina hukumati davlat tilini keng qo‘llash bo‘yicha chora-tadbirlar ko‘rayotgan bo‘lsa-da, rus tili hanuz ko‘plab oilalar va maktablar orasida yetakchi mavqeni egallab turibdi. Shu bilan birga, Ukraina Ta’lim sifati davlat xizmati rahbari Svitlana Babinesning so‘zlariga ko‘ra, maktab o‘quvchilarining 40 foizi darsdan tashqari vaqtda rus tilida muloqot qiladi.
Ukrain tilini ona tili deb biladigan o‘quvchilar ulushi esa 71 foizdan 64 foizgacha pasaygan. Bu holat davlat tilining ta’lim tizimidagi o‘rni haqida jiddiy o‘ylash zarurligini ko‘rsatadi.
