Tramp har bir amerikalikka 2000 dollar va’da qildi

AQSh sobiq prezidenti Donald Tramp mamlakat fuqarolari uchun yangi moliyaviy tashabbusni e’lon qildi. Bu haqda Zamin.uz xabar berdi.

Uning so‘zlariga ko‘ra, bojxona tariflaridan tushadigan daromadlar hisobidan har bir amerikalik fuqaroga kamida 2000 dollarlik to‘lov amalga oshiriladi. Bu haqda u Truth Social ijtimoiy tarmog‘ida ma’lum qilgan.

Trampning ta’kidlashicha, mazkur to‘lovlar yuqori daromadli shaxslarni istisno qilgan holda barcha amerikaliklarga beriladi. Shuningdek, u tarif siyosatini tanqid qiluvchilarni qoralab, bojxona daromadlari orqali davlat qarzini qisqa muddatda yopish mumkinligini qayd etdi.

Trampning fikricha, Qo‘shma Shtatlar tariflar orqali trillionlab dollar daromad olishga qodir bo‘lib, bu mamlakat iqtisodiyotini yangi rivojlanish bosqichiga olib chiqadi. Eslatib o‘tamiz, 2025 yilning aprel oyida Tramp ayrim davlatlar uchun yangi bojxona tariflarini joriy etish rejasini e’lon qilgan edi.

Uning so‘zlariga ko‘ra, bu chora AQSh manfaatlarini himoya qilish va mamlakatni ko‘p yillik iqtisodiy bosimdan xalos etishga qaratilgan.