Xitoylik olimlar inson umrini sezilarli darajada uzaytirishga qodir tabletkalar yaratish ustida ish olib bormoqda. Bu haqda Zamin.uz xabar berdi.
Bu haqda *The New York Times* xabar berdi. Ma’lumotlarga ko‘ra, Shenchjen shahrida joylashgan “Lonvi Biosciences” startapi qarish jarayonini sekinlashtirish va umrni uzaytirish bo‘yicha ilmiy izlanishlar olib bormoqda.
Ular tomonidan ishlab chiqilgan yangi tabletkalarning asosiy tarkibiy qismi uzum urug‘idan olinadigan prosianidin C1 (PCC1) moddasidir. Tadqiqot davomida olimlar sichqonlar ustida sinovlar o‘tkazib, qiziqarli natijalarga erishdi.
Ma’lum bo‘lishicha, mazkur modda sichqonlar umrini o‘rtacha 9,4 foizga uzaytirgan va ularning faol hayot davrini 64 foizga oshirgan. “Lonvi Biosciences” kompaniyasining texnik direktori Lyu Sinxuaning so‘zlariga ko‘ra, ushbu texnologiya kelajakda insonlar uchun ham qo‘llanilishi mumkin.
U shunday dedi: “150 yoshga etish orzusi endi ilmiy asosga ega bo‘lishi mumkin. Yaqin kelajakda bu haqiqatga aylanishiga ishonaman.” Mutaxassislarning fikricha, agar sinovlar muvaffaqiyatli yakunlansa, bu tadqiqot qarishga qarshi kurashda yangi davrni boshlab berishi mumkin.
