Eng boy davlatlar: yettitasi Yevropada joylashgan
Dunyodagi eng boy davlatlar ro‘yxati yangilandi. Bu haqda Zamin.uz xabar berdi.
“Visual Capitalist” tahlillariga ko‘ra, dunyoning eng boy o‘nta davlati orasida yettitasi Yevropada joylashgan. Ushbu reyting Xalqaro valyuta jamg‘armasining 2025-yil uchun yangilangan ma’lumotlari asosida tuzilgan bo‘lib, unda har bir davlatda aholi jon boshiga to‘g‘ri keladigan yalpi ichki mahsulot (YAIM) miqdori hisobga olingan.
Birinchi o‘rinni Lixtenshteyn egalladi. Ushbu mamlakatda aholi jon boshiga YAIM 231 ming 713 dollarga teng.
Ushbu ko‘rsatkichning yuqori bo‘lishiga aholining katta qismi chet elda yashab, Lixtenshteynga ishga kelishi sabab bo‘lgan. Bu holat statistik jihatdan mamlakatdagi o‘rtacha daromadni oshiradi.
Ikkinchi o‘rinda Lyuksemburg joylashgan, unda ham shunga o‘xshash iqtisodiy holat kuzatiladi. Uchinchi o‘rinni Irlandiya egalladi.
Bu mamlakatda aholi jon boshiga YAIM 129 ming 132 dollarni tashkil etadi. Irlandiyaning qulay soliq siyosati va yirik xalqaro kompaniyalar, jumladan, Google va Meta shtab-kvartiralarining ushbu mamlakatda joylashgani iqtisodiy o‘sishga sezilarli ta’sir ko‘rsatgan.
Keyingi o‘rinlarni Shveysariya, Islandiya va Singapur egalladi. Ushbu davlatlarda yuqori iqtisodiy daromad aholining turmush darajasi va iqtisodiy samaradorlik bilan bog‘liq.
Ayniqsa, Singapur misolida so‘nggi 40 yil ichida mamlakatning o‘rtacha daromadi 19 barobar oshgani ta’kidlanmoqda. Bugungi kunda Singapur dunyoning yirik moliya va savdo markazlaridan biri hisoblanadi.
