Xitoyning Shenchjen shahrida joylashgan Lonvi Biosciences kompaniyasi inson umrini 120 yilgacha uzaytirish imkoniyatini beruvchi yangi biotexnologik dori ustida ish olib bormoqda. Bu haqda Zamin.uz xabar berdi.
Bu haqda The New York Times nashri xabar berdi. Mutaxassislarning ta’kidlashicha, mazkur preparatning asosiy moddasi uzum urug‘idan olingan tabiiy ekstraktdir.
Ushbu birikma organizmdagi qarish jarayonida paydo bo‘ladigan “yeskirgan” hujayralarni yo‘q qilishi va sog‘lom hujayralarning faoliyatini tiklashi mumkin. Natijada nafaqat umr davomiyligi, balki uning sifati va faolligi ham oshadi.
Ma’lum qilinishicha, uzum urug‘i an’anaviy xitoy tibbiyotida va G‘arb parhez ilmida uzoq yillardan buyon yoshlikni saqlash, shuningdek, qon aylanishini yaxshilash xususiyatlari bilan mashhur. Lonvi Biosciences olimlari ushbu tabiiy moddani yuqori konsentratsiyali molekulalarga aylantirish texnologiyasini ishlab chiqqan.
Kompaniya hozirda dori vositasining klinik sinovlarini boshlagan. Ularning fikriga ko‘ra, mazkur kapsulalar sog‘lom turmush tarzi, to‘g‘ri ovqatlanish va muntazam tibbiy nazorat bilan birgalikda qo‘llansa, inson umrini 100–120 yilgacha uzaytirishga yordam berishi mumkin.
Mutaxassislar ushbu yondashuv qarishga oid an’anaviy tushunchalarni o‘zgartirishi va biotexnologiya sohasida yangi davrni boshlab berishi ehtimolini ta’kidlashmoqda. Bu yangilik hayot sifati va davomiyligini oshirish borasida muhim qadam bo‘lishi mumkin.
