Samanta Ramsdell: Eng katta og‘iz sohibasi!
Amerikalik bloger va Ginnes rekordlari kitobi sohibi Samanta Ramsdell o‘zining noodatiy qobiliyati bilan yana ijtimoiy tarmoqlarda katta shov-shuvga sabab bo‘ldi. Bu haqda Zamin.uz xabar berdi.
Bu haqda “Metropoles” xabar berdi. U bir tishlashda katta hajmdagi ovqatni yuta olish qobiliyatini namoyish qilib, ko‘pchilikni hayratga soldi.
Ijtimoiy tarmoq foydalanuvchilari bu videolarni qizg‘in muhokama qilishmoqda. Ayrimlar hazil tariqasida uning stomatologi har safar butun og‘izni tekshirishni yaxshi ko‘rishini aytgan bo‘lsa, boshqalar ushbu videolar sun’iy intellekt yordamida yaratilgan bo‘lishi mumkinligini ta’kidlashgan.
Samanta Ramsdell o‘z faoliyatini 2019-yilda boshlagan. Ammo pandemiya davrida og‘zining hajmini ko‘rsatadigan videolari orqali mashhurlikka erishgan.
U dastlab bu xususiyatini kamchilik deb hisoblagan, keyinchalik esa o‘ziga xoslikni qabul qilib, uni yutuqqa aylantirgan. Ginnes rekordlari kitobi ma’lumotlariga ko‘ra, Samantaning og‘zi 6,52 santimetrgacha ochiladi.
Bu ko‘rsatkich ayollar orasida eng katta hisoblanadi. U og‘ziga bir necha burger yoki katta o‘lchamdagi olmani sig‘dira oladi.
Samanta TikTok’dagi kulgili videolari orqali keng omma orasida mashhur bo‘lgan. U TikTok faoliyatidan oldin sotuvchi va sahna komigi sifatida ishlagan.
