Uorren Baffet 1,3 milliard dollarni xayriya qildi
Berkshire Hathaway investitsiya kompaniyasining rahbari Uorren Baffet o‘z aksiyadorlariga yo‘llagan maktubida 1,3 milliard dollar mablag‘ni xayriya qilishini e’lon qildi. Bu haqda Zamin.uz xabar berdi.
Ushbu maqsadga erishish uchun Baffet kompaniyaning 1 800 dona «A» turkumidagi aksiyalarini 2,7 million dona «B» turkumidagi aksiyalarga almashtirdi. Bu mablag‘lar oila xayriya jamg‘armalariga yo‘naltiriladi.
Xususan, Susan Tompson Baffet jamg‘armasiga 1,5 million aksiyalar, Howard Baffet jamg‘armasi, The Sherwood Foundation va NoVo jamg‘armalariga esa har biriga 400 ming aksiya beriladi. Uorren Baffet farzandlarining xayriya tashkilotlariga hayotining oxirigacha qo‘shimcha mablag‘ ajratishni rejalashtirayotganini ta’kidladi.
Shuningdek, u joriy yil oxirida Berkshire Hathaway bosh direktori lavozimini tark etishni rejalashtirgan. Biroq, u direktorlar kengashi raisi sifatida faoliyatini davom ettiradi.
Uning o‘rniga Greg Abel bosh direktor lavozimiga tayinlanishi kutilmoqda. Kompaniyaning joriy yilning birinchi choragidagi sof daromadi 4,6 milliard dollarni tashkil etdi, bu o‘tgan yilning shu davriga nisbatan 64 foizga kam.
