Quyoshda yilning eng kuchli chaqnashi kuzatildi
10-noyabr kuni Quyosh yuzasida joriy yilning eng kuchli va energiyasi yuqori bo‘lgan chaqnashi kuzatildi. Bu haqda Zamin.uz xabar berdi.
Bu haqda Rossiya Fanlar akademiyasi huzuridagi Koinot tadqiqotlari institutining Quyosh astronomiyasi laboratoriyasi xabar berdi. Olimlarning ta’kidlashicha, ushbu chaqnash X5.1 darajadagi energiya kuchiga ega bo‘lib, keyinchalik X5.15 ko‘rsatkichga yetgan.
Bu ko‘rsatkich 2024-yil oktabr oyidan buyon qayd etilgan eng katta faollik sifatida qayd etildi. Mutaxassislarning ma’lumotlariga ko‘ra, portlash Quyoshning 4274-raqamli faol hududida sodir bo‘lgan.
Ushbu hudud ayni paytda Yerga ta’sir o‘tkazishi mumkin bo‘lgan joyda joylashgan. Shu sababli, chaqnash natijasida radioto‘lqinlarda shovqinlar, sun’iy yo‘ldosh aloqasida uzilishlar yoki magnit bo‘ronlarning faollashish ehtimoli mavjud.
Quyoshdan tarqalayotgan rentgen nurlari onlayn grafiklarda muntazam kuzatilib turibdi. Olimlar hodisa hali tugamaganini va faol jarayon asta-sekin pasayib borayotganini qayd etishmoqda.
Ma’lum qilinishicha, joriy yilning oktabr oyida ham Quyosh faolligi sezilarli darajada oshgan, o‘sha vaqtda bir nechta yuqori darajadagi chaqnashlar qayd etilgan edi. Mutaxassislar bu jarayonlarni 2025-yilda kutilayotgan “Quyosh siklining avj nuqtasi”ga yaqinlashayotganining belgisi sifatida baholamoqda.
