Toshkent–Krasnodar reyslari jadvaliga o‘zgartirish kiritildi
Uzbekistan Airways aviakompaniyasi 12-noyabr kuni Toshkentdan Krasnodarga va ortga amalga oshiriladigan HY687/688 reyslari jadvaliga o‘zgartirish kiritilganini ma’lum qildi. Bu haqda Zamin.uz xabar berdi.
Bu haqda aviakompaniya matbuot xizmati xabar berdi. Jadvaldagi o‘zgarishlarga sabab Krasnodar xalqaro aeroportidagi noqulay ob-havo sharoitlari bo‘ldi.
Yangi jadvalga ko‘ra, Toshkentdan samolyot mahalliy vaqt bilan soat 10:10 da uchib ketadi va soat 12:20 da Krasnodarga yetib boradi. Krasnodardan qaytish reysi soat 13:30 ga belgilangan bo‘lib, samolyot Toshkentga soat 19:05 da yetib keladi.
Mazkur yo‘nalishdagi iqtisodiy sinf chiptalari narxi 1 million so‘mdan boshlanadi, biznes sinf chiptalari esa 6,9 million so‘mni tashkil etadi. Ushbu reyslarni bajarishda zamonaviy Airbus A320 Neo samolyotlari foydalaniladi.
Aviakompaniya yo‘lovchilardan safar oldidan jadvalni diqqat bilan o‘rganishni so‘raydi.
