Sobiq sevgilisi erkakni farzand borligiga ishontirib aldadi.

Rossiyaning Sverdlovsk viloyatida erkak yetti yil davomida sobiq sevgilisiga pul o‘tkazib kelgan, biroq keyinroq uning firibgarlik qurboni bo‘lganini bilib qolgan. Bu haqda Zamin.uz xabar berdi.

Viloyat sudlari matbuot xizmatining ma’lum qilishicha, Anastasiya ismli ayol Andrey ismli erkak bilan 2018 yilda ajrashgan. Ajrashgandan so‘ng, Anastasiya homilador ekanligini aytib, moliyaviy yordam so‘ray boshlagan.

Erkak unga bir necha marta pul o‘tkazgan, biroq ayol keyin g‘oyib bo‘lgan. 2025 yil yozida Anastasiya yana paydo bo‘lib, Andreyga maktab yoshidagi o‘g‘li borligi, uning bolalar uyida tarbiyalanayotgani haqida soxta ma’lumot bergan.

U yana moliyaviy yordam so‘ragan va erkak unga 50 ming rubl o‘tkazgan. Andrey farzandi bilan ko‘rishish niyatida kelganida, tanishlari orqali Anastasiyaning aslida farzandi yo‘qligini bilib qolgan.

Erkak sudga murojaat qilib, Anastasiyani firibgarlikda ayblagan. Sud Anastasiyani aybdor deb topib, unga maoshining 15 foizini ushlab qolish sharti bilan bir yil axloq tuzatish ishlari jazosi tayinladi.

Shuningdek, Anastasiya Andreyga 11 ming rubl miqdorida moddiy zarar to‘lashi lozim.