Nyu-York shahrining yangi meri Zoran Mamdani yosh jurnalist bilan suhbatda Bruklindagi "Toshkent" restoranida mantini tatib ko‘rishni tavsiya qildi. Bu haqda Zamin.uz xabar berdi.
Ushbu suhbat O‘zbekiston Tashqi ishlar vazirligi matbuot markazi tomonidan e’lon qilingan. Suhbat davomida yosh jurnalist merdan uchta muhim taomni nomlashini so‘radi.
Zoran Mamdani savolga javob berar ekan, avval Hyderabadi Zaiqa restoranini tilga oldi. U mazkur restoran 28-ko‘chada joylashganini aytib, u yerda halim taomi juda mazali ekanini ta’kidladi.
Shuningdek, mer yaqinda Bruklin janubidagi "Toshkent" restoranida mantidan tatib ko‘rganini va uning ta’mi juda ajoyib, ayniqsa, go‘shtli mantisi sinab ko‘rishga arziydigan taom ekanini qo‘shimcha qildi. Ma’lumki, 4-noyabr kuni bo‘lib o‘tgan merlik saylovida Demokratik partiya vakili Zoran Mamdani g‘alaba qozondi.
34 yoshli siyosatchi raqiblari — demokrat Endryu Kuomo va respublikachi Kertis Slivani ortda qoldirishga muvaffaq bo‘ldi. U so‘nggi yuz yil ichida Nyu-York tarixidagi eng yosh mer sifatida qayd etildi.
Bundan tashqari, Zoran Mamdani AQShning eng yirik megapolisida birinchi musulmon va Janubiy Osiyodan chiqqan birinchi shahar rahbari bo‘ldi.
