Oliver 20 yildan so‘ng otasini tasodifan topdi
Londonda yashovchi 21 yoshli Oliver Archer o‘nlab yillar davomida izlab topa olmagan otasi bilan tasodifan mahalliy do‘konda uchrashib qoldi. Bu haqda Zamin.uz xabar berdi.
Ular bir-birini yigirma yil davomida ko‘rmagan edi. Bu haqda Pravilamag nashri xabar berdi.
Oliverning aytishicha, u do‘konda navbatda turganida orqasida turgan bir erkak telefonda turk tilida gaplashayotganini eshitib, hazil tariqasida: "Mening otam ham turk", — degan. Erkak o‘z ismini aytganida, Oliver bu ism otasining ismi bilan bir xil ekanini anglab, hayratga tushgan.
Do‘kondan chiqqach, Oliver erkakdan onasining ismini so‘ragan va bu ma’lumot ham mos kelgan. Shunda Oliver: "Men sizning o‘g‘lingiz bo‘lishim mumkin", — deb aytgan.
Dastlab ular bu holatga kulib qo‘yishgan, keyin esa dildan suhbatlashishni boshlashgan. Erkak Oliverga uzr so‘rash o‘rniga bu uchrashuvdan mamnunligini bildirgan.
Ma’lum bo‘lishicha, Oliver bolaligidan otasini izlab kelgan. U ijtimoiy tarmoqlar, DNK testlari va onasidagi eski xatlar orqali izlanishlar olib borgan, ammo tajribasizlik sabab natijaga erishmagan.
Ajablanarlisi shundaki, ular aslida bir-biridan atigi besh daqiqa masofada yashab kelgan. Ushbu uchrashuvdan so‘ng ota va o‘g‘il har kuni gaplashib, munosabatlarni qayta tiklashga qaror qilishdi.
Oliver, shuningdek, oltita o‘gay aka-uka va opa-singillari borligini ham bilib oldi. Yigit yigirma yillik ayriliqqa qaramay, otasiga nisbatan hech qanday xafagarchilik saqlamaganini ta’kidladi.
"Men ikkinchi imkoniyatga ishonaman. O‘tmishda yashashning keragi yo‘q.
Muhimi, bizda bugungi kun bor", — deya o‘z fikrlarini bildirdi Oliver.
