Daniyaning Orxus universiteti olimlari Adolf Gitlerning DNKsini o‘rganib, unda ruhiy kasalliklarga genetik moyillik mavjudligini aniqlashdi. Bu haqda Zamin.uz xabar berdi.
Bu haqda Daily Mail xabar berdi. Tadqiqot natijalariga ko‘ra, Gitlerda diqqat yetishmovchiligi va giperfaollik sindromi (DEHS), autizm, bipolyar buzilish hamda shizofreniya rivojlanish ehtimoli yuqori bo‘lgan.
Ushbu kasalliklarning irsiy yo‘l bilan o‘tishi ehtimoli ham borligi ta’kidlangan. Olimlar tahlil uchun 1945 yilda Gitler o‘z joniga qasd qilganidan so‘ng amerikalik ofitser Rosvell Rozengren tomonidan uning bunkeridagi divandan olingan qon izlaridan foydalangan.
Ushbu namunalar genom darajasida o‘rganilib, taxminan uch milliard genetik yo‘riqni (instruksiyani) o‘z ichiga olgan ma’lumotlar asosida tahlil qilingan. Mutaxassislar Gitlerning diqqat yetishmovchiligi va giperfaollik sindromiga moyil bo‘lganini, shuningdek, autizm va shizofreniya xavfi yuqori bo‘lgan aholining 1 foiz qatlamiga mansub bo‘lganini aniqlashdi.
Irlandiyadagi Triniti kolleji professori Maykl Fitsdjeraldning fikriga ko‘ra, bunday xususiyatlar kombinatsiyasi juda noyob hisoblanadi. U Gitlerni “jinoyatga moyil autistik psixopat” deb atash mumkinligini ta’kidlagan.
Shuningdek, olimlar Gitlerning qarindoshi Veyt Aloiziyning Venadagi ruhiy shifoxonada bir necha yil davolanganini ham qayd etishgan. U gallyutsinatsiyalar va g‘ayrioddiy xatti-harakatlar sababli ko‘p marotaba to‘shakka bog‘lab qo‘yilgan.
Ushbu holatlar Gitlerdagi ruhiy buzilishlarda irsiy omillar katta rol o‘ynaganini ko‘rsatadi, degan xulosaga kelishgan.
