Kareliyada Su-30 samolyoti halokati, ekipaj vafot etdi
Kareliya Respublikasida Su-30 harbiy samolyoti ishtirokida navbatdagi fojia yuz berdi. Bu haqda Zamin.uz xabar berdi.
Bu haqda Rossiya Mudofaa vazirligi rasmiy ma’lumot taqdim etdi. Hodisa kecha, Moskva vaqti bilan soat taxminan 19:00 da sodir bo‘ldi.
Rejalashtirilgan o‘quv parvozi davomida Su-30 samolyoti boshqaruvni yo‘qotib, halokatga uchragan. Voqea aholi yashamaydigan hududda sodir bo‘lgani qayd etilgan.
Mudofaa vazirligi bergan ma’lumotga ko‘ra, samolyot ekipaji hayotini saqlab qolishning imkoni bo‘lmagan. Samolyotdagi ikkala ekipaj a’zosi halok bo‘lgan.
Shuningdek, samolyot bortida o‘q-dorilar bo‘lmagani ma’lum qilingan. Parvoz faqat o‘quv mashg‘ulotlari doirasida amalga oshirilgan.
Ushbu hodisa sabablarini aniqlash bo‘yicha tegishli surishtiruv ishlari olib borilmoqda.
