Semizlik va boshqa surunkali kasalliklar AQSh vizasini olishda rad javobi berilishiga sabab bo‘lishi mumkin. Bu haqda Zamin.uz xabar berdi.
Bu haqda *The Washington Post* nashri AQSh Davlat departamenti rahbari Marko Rubioning telegrammasiga asoslanib xabar berdi. Yangi qoidalar qimmat davolanish xarajatlari tufayli ijtimoiy yuk bo‘lish xavfi bor shaxslarni saralashga qaratilgan.
Endilikda vizaga mas’ul tashkilotlar murojaat qiluvchilarning tibbiy xarajatlarni mustaqil qoplash imkoniyatiga ega yoki emasligini tekshiradi. "Prezident Tramp ma’muriyati ushbu siyosatni amalga oshirish orqali amerikaliklarning manfaatlarini birinchi o‘ringa qo‘ymoqda", — deyiladi Oq uy bayonotida.
Ushbu tartib vaqtinchalik va doimiy vizalar uchun qo‘llaniladi. Biroq, tanqidchilar ushbu qoidalar xodimlarga subyektiv qarorlar qabul qilish uchun haddan tashqari keng vakolatlar berishi mumkinligidan xavotir bildirishmoqda.
